Sahabat zoners! Fiksi berbahasa lauje jenis pentigraf menceritakan kisah seorang wanita yang telahb bercerai dengan suaminya. Penyesalan sang wanita itu datang ketika mantan suaminya menikah lagi dengan wanita lain. Monosole kana li pongopusangonye, penyesalahan selalu datang belakangan. Selamat membaca!
Monosole kana li PongopusangonyeO
leh: Aris Arianto
Labime tolumbulangeina Molana nagata ngkai Denso. Agamai Denso ulenge masayanga ngkai Molana. Denso moutu moduae li labongi Molana, mongi meteuleane. Soula meyinsang-yinsanga yi Denso mongi yampune, Molana bi molimbu. Lele ni Molana nyaanye te bombongome paila’. Laume maalo mo tebo’a soula no tuilu pandoli. Tantu no oasoma nyaani Molana.
Soula biaioe, Denso tetapa ma alabongi Molana. Wunga ni jimo sosouna’onye bengkele, mo wungalagama moya ngkai sinanye. Injo’e teule ansi nebali alasani Denso meteuleane.
Sounge watu oi Denso nokurangoma modua’e li labongi Molana. Biasanye seminggu te do yinsanga Denso mongita mae wunganye. Bai onoga, sombulangome yine Denso laupe no sopute li labongi Molana. Molana te utanyama ngkai wunganye, onaga siamanye laume mongita mae. Wunganye toule bai notoinye. Baigaugaoe, wunganye neloloama, “Mama, siligoma yine, foto ni Papa li FB dudungko’e ngkai bengkele li’tampa dudu’ nu boti.” Neitoma’e foto ni Denso nelapiane, senga nebalia laku ni Molana. Matanye nongasilol, tuunye notumetel, tedungko li kadera. Nalanya’.
Tama’
